Bilang na saray arecruit na ISIS wala lad 150; Grupo, manpapakasil kayari na giyera diad Marawi City

DAGUPAN CITY– Unaabot la ed 150 ya bilang na saray indibidwal so arecruit na saray teroristang grupo ya ISIS.
Saya so kinompirma mismo nen National Security Adviser Hermogenes Esperon diad ekslusibon impituyaw ed sikato na Bombo Radyo Dagupan.

Onong ed kinen Esperon, anggaman abuy buyak aray membro, manpapakasil tan manitibokel ira na sakey ya grupo diad panamegley na panre-recruit.

Inkuwanton, man oopresi na baleg ya kuwarta iray remnants o akeran miyembro ya aka­puslit diad Marawi City piyan maka-anap o makapan-recruit na saray indibidwal ya milad pwersa da.

Diad biek tonya, impasiguro nen Esperon ya tututukan eya na Armed Forces of the Philippines (AFP) , Philippine National Police (PNP) tan say ng local government units.

Kaleganan tonya, nilinew nen Esperon ya aliwa labat lan diad ciudad na Marawi mangagawa na massive recruitment so teroristan grupo no ingen diad saray kaabay ton baley.