DAGUPAN CITY— Inmani ya nanduruman reaksyon so implementasyon na anti-tsismis ordinance na barangay Capas, Binalonan diad luyag na Pangasinan.
No wala ray pabor na residente diad nanduruman baley ed probinsya wala met so agga pabor ed sayan kurang na barangay.
Onong ed saray pabor marakep iya pian naiwasan la kuno so pandederal ed sakey tuo legan na saray agga pabor et sakey kuno iyan sebel ed karapatan na sakey tuo.
Inbaga nen barangay kapitan Danilo Tabucol Sr. na barangay Capas, akatulong ed say peace and order ed lugar da so implementasyon na anti-tsismis ordinance ya nan umpisa nen bulan na Oktubre ed inbeneg ya taon.
Onaabet ed P300, P500 tan P1,000 so multa ed unaan anggad mikatlon panlabag ed sayan ordinansa tan walay kaiba ton community service.
