Analon barangay kapitan diad Batangas, inatey kasumpalan ya pinaltog

DAGUPAN CITY– Aantaen na saray kapulisan no walay koneksyon ed pulitika so inpanpatey ed say analon barangay kapitan diad Laurel Batangas.

Kinabat so biktima ya si Demetrio Mendoza Deomampo.

Onong ed nalan impormasyon na Bombo Radyo Dagupan akalugan so biktima ed motorsiklo to nen saya so inasinggeran na saray agga kabat ya suspek tan pinapaltog.

Tampol ya tinmakas iray suspek legan ya imbatik met ya tampol diad ospital so biktima bangbalet saya so inatey la.

Si Deomampo so analon barangay kapitan ed barangay diad Buso-Buso, Laurel, Batangas nen imbeneg ya eleksyon.