DAGUPAN CITY– Diad biek na kasil na uran ya aranasan diad probinsya na Pangasinan ya awit na nepnep so apoolan nin sansia so sakey ya abong diad baley na Malasique.
Anggapoy nisalba ya antokaman ya gamit so pamilya ya makankayaryan na abong diad Brgy Canan Sur, Malasique kasumpalan ya nagnap ya apoolan kabansag na maksil ya uran diad probinsya.
Lapud gawad say light materials so abong, aganon tinmayak so apoy ya nanlapud kusina na abong.
--Ads--
Papanisiyaan ya apulyanan so iluluto diad kusina ya say uusaren ya panluluto so uring.
Anggaman say titulo na dalin ya pankayaryan na pamilya so akapilan apoolan.
Papadisiran ya unsulok-unkulang P200,000 so kantidad na adesyang diad agawan pool.
