Lubos na nagagalak ngayon at proud ang Pantawid Pamilyang Pilipino Program (4Ps) na umabot sa Top 10 ng March 2026 Licensure Examination for Teachers (LET) ang 72 dating monitored children ng programa.
Sa kanilang ibinahagi sa social media, patunay umano ito ng patuloy na suporta ng pamahalaan sa edukasyon at kakayahan nitong makatulong sa pag-angat ng buhay ng mga benepisyaryo.
Ipinapakita rin nito ang tagumpay ng mga dating monitored children na ang pamumuhunan sa edukasyon ay daan upang mabigyan ng mas magandang kinabukasan ang mga kabataan.
“The remarkable achievements highlight how sustained government support in education can transform lives, break intergenerational poverty, and produce future professionals who now stand among the country’s best,” saad ng programa.
Nagpahayag din si 4Ps National Program Manager at Director Gemma Gabuya kaugnay sa naging tagumpay ng mga dating benepisyaryo.
“This is a very momentous moment, not just for the Program but more importantly, the families who have a fighting chance of improving their lives. These are not just numbers but a strong testament and a reflection of how sustained support in education can help transform lives and create pathways out of poverty,” ani Gabuya.
Batay sa resulta ng pagsusulit na inilabas ng Professional Regulation Commission (PRC), nanguna sa Elementary Level si Jhade Vine Icot matapos makakuha ng 95.0% na marka. Kabilang din siya sa anim na topnotchers mula sa iba’t ibang paaralan.
Samantala, topnotcher din sa Secondary Level si Rashil Rae Ramos Recorte matapos makakuha ng 95.80% na score.
Bukod sa kanila, ilan pang dating monitored children ng 4Ps ang nakapasok din sa iba’t ibang puwesto sa Top 10 ng naturang pagsusulit.
“These results send a powerful message: when poor children are given the opportunity to stay in school, they can compete, excel, and lead,” dagdag ni Gabuya.
