Dagupan City – Masiglang ipinagdiwang ng bayan ng San Jacinto ang Elderly Filipino Week kung saan tampok ang makukulay na aktibidad na nagpamalas ng lakas at talento ng mga nakatatanda.
Umikot ang selebrasyon sa parada ng mga barangay at paligsahan sa sayawan, kung saan buong gilas na ipinamalas ng mga lolo’t lola ang kanilang husay at enerhiya.
Hindi rin nagpahuli ang suporta ng lokal na pamahalaan kasama ang mga miyembro ng Sangguniang Bayan.
Nagbigay mensahe rin sina Ms. Rosalie Ellasus mula sa tanggapan ng alkalde.
Sa likod ng matagumpay na pagtitipon ay ang koordinasyong pinangunahan ng MSWDO, katuwang ang mga opisyal ng bayan.
Isang araw ng pagbibigay-pugay, pasasalamat, at pagkilala sa mahalagang papel ng mga senior citizens mga huwaran ng katatagan at malasakit sa komunidad.
