Nagpapatuloy ang isinasagawang distribusyon ng mga family food packs sa pangunguna ng Department of Social Welfare and Development (DSWD) Region 1 sa mga probinsya at lungsod sa rehiyon na sinalanta ng kalamidad.
Ayon kay Anniely Ferrer, Assistant Regional Director ng DSWD region 1 sa panayam ng Bombo Radyo Dagupan, nakapagpamahagi na sila ng 30,000 na relief packs para sa lungsod Dagupan.
Umaabot sa 200 family food packs para sa mga fisherfolks habang may binigay din na mga family food packs at hygiene kits para sa mga nanatili sa evacuation center.
Aniya, mandato ni DSWD sec. Rex Gatchalian na anuman ang pangangailan ng lungsod ay dapat maibigay ng DSWD.
Tiniyak ni Ferrer na nakahanda ang kagawaran kahit magpatuloy ang sama ang panahon at sapat aniya ang mga food packs
Sa buong region 1 ay may available na 42,000 na food packs bukod pa sa inalocate ng national logistic and Resource Center sa Central Office na deretsong ibinibigay sa mga Local Government Units na 90,000, ngunit maaari pa kung magrequest kulang kukulangin.
Prayoridad na binibigyan ng relief ang mga vulnerable sector gaya ng mga magsasaka,mangingisda, transport sector, vendors at mga mahihirap na pamilya.
Ang isang family food pack ay para sa average na limang membro sa pamilya at ito ay makokonsumo sa loob ng tatlong araw.
Dagdag pa niya na sa tala nila, umaabot sa mahigit 300,000 na pamilya sa apat na probinsya sa region 1 ang naapektuhan ng nagdaang 3 sunud sunod na bagyo.
