DAGUPAN CITY- Inaasahan pa ng Mabini Municipal Disaster Risk Reduction and Management Office ang pag-ulan ngayon araw sa kanilang bayan.
Ayon kay Keith Balintos, LDRRM Officer ng naturang opisina, nakaranas ng mahina hanggang sa katamtaman na pag-ulan sa kanilang lugar kahapon subalit bago pa niyan ay nakita pa nila ang pagsikat ng araw.
Wala naman aniya silang naitalang landslide o pagbaha sa kanilang bayan at nasa maayos ito ng kalagayan mula sa bagyong Kristine.
Samantala, sinabi naman ni Balintos na bago pa magdala ng pag-ulan ang bagyo ay nagsagawa na sila ng paghahanda at pag-abiso partikular na sa mga landslide at flashflood prone areas.
Pinayuhan naman niya ang publiko na mag-iingat at agad nang lumikas kung nagkakaroon ng pagtaas sa katubigan.
