DAGUPAN CITY- Arestado ang isang 35 anyos na lalaki sa ikinasang buy bust operation ng Mangatarem Police Station sa bayan ng Mangatarem, dito sa lalawigan ng Pangasinan.
Ayon kay PMAJ. Arturo Melchor Jr., Officer in Charge ng naturang himpilan, sa ikinasang warrant of arrest, natimbog si Mark Anthony Castro, may live in partner, isang businessman, at residente ng Brgy. Torre 2nd, sa nasabing bayan.
Nakumpiskahan umano ito ng 3 pirasong sachet ng hinihinalang shabu na may bigat ng 1.6 grams at nagkakahalagang P10,880. Nakumpisa din sakaniya ang iba pang non-drugs evidences kabilang na lamang ang 1 lighter, 1 eyegalss case, 1 piraso ng aluminum foil, 1 piraso ng plastic zip lock na naglalaman ng improvised glass tube, 1 piraso ng transparent glass tube.
Nahaharap naman ang nasabing suspek sa paglabag sa Republic Act 9165 o Comprehensive Dangerous Drugs Act of 2002.
Napag alaman naman umanong nasa ilalim pa ng law probation ang suspek sa parehas na kaso.
