DAGUPAN CITY- Arestado ang isang 32 anyos na lalaki sa bayan ng San Jacinto matapos magkasa ng buy-bust operation ang Drug Enfrocement Team ng San Jacinto Police Station.
Ayon kay PLT. Celeste Cereno, Deputy Chief of Police -San Jacinto PNP, nahuli ang suspek na kinilalang si Alexandro Jesus Castillo, isang mekaniko, at residente ng Brgy. Payas, sa bayan ng Sta. Barbara nang magkasa ng buy-bust operation sa Brgy. San Vicente, sa bayan ng San Jacinto.
Aniya, nagawa umanong makabili ng kanilang poseur buyer ng nagkakahalagang P500 na hinihinalang shabu o may Street Drug Price na P680. Nakumpiskahan din si Castillo ng 2 sachet ng hinihinalang shabu, at 1 piraso ng P500 buy-bust money. Nahulihan din ito ng 1 hindi lisensyadong baril at 2 piraso bala ng nasabing baril. Gayundin ang 1 bag at 1 motorsiklong ginagamit nito.
Samantala, nasa kustodiya na ng San Jacinto PS ang suspek at ang mga nakumpiskang kagamitan nito. Nahaharap naman ito sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and Ammunition Regulation Act
