BOMBO RADYO DAGUPAN – Nasawi ang re-elected kapitan ng Barangay Poblacion, sa bayan ng Mangaldan matapos itong tinambangan ng mga hindi pa nakikilalang suspek, kagabi lamang.
Nagtamo si Brgy. Kapitana Melinda ‘Tonet’ Morillo ng tama ng bala ng baril sa dibdib at ulo nito.
Natagpuan naman ng mga otoridad sa pinagyarihan ng krimen ang pitong basyo mula sa hindi pa matukoy na kalibre ng baril.
Nakuhanan naman sa isang video ng napadaan na motorista ang naging pamamaril. Rinig umano sa video ang pamamaril habang ang biktima ay nakasakay pa sa kaniyang nakahintong sasakyan sa kalagitnaan ng daan.
Matatandaan na na-re-elect si Morillo sa nakaraang Barangay at Sangguniang Kabataan Eleksyon ngayon taon para sa kaniyang ikalawang termino nito.
Sa kasalukuyan ay nagpapatuloy ang isinasagawang imbestigasyon sa pangyayari.
