Arestado ang 38 taong gulang lalake matapos na magpaputok ng baril sa bayan ng Malasiqui.
Ayon kay PCapt. Ria Tacderan, ang deputy COP ng Malasiqui PNP, pasado alas-10 ng gabi nang makatanggap ng isang report ang isang concerned citizen sa lugar ukol umano narinig nilang sunod sunod na putok ng baril sa kalapit nilang lugar.
Batay sa salaysay ng nagsumbong na residente sa lugar, alas 9:40 ng gabi nang makarinig sila ng 3 sunod sunod na putok na baril malapit sa kanilang kinalalagyan at pagkaraan nang ilang minuto ay nakarinig ulit sila ng 5 pa.
Nang makita nila ang naturang pangyayari, natuklasan na ang suspek ay isang lalake na may bitbit na Glock 17 Gen5 9mm pistol na natuklasan na may 14 pang natitirang bala.
Bukod pa rito, mayroon pa itong ilan pang dalang uri ng baril.
Napag-alaman din na ang suspek ay parte ng isang private security group ng isang businessman na hindi na pinangalanan pa ng nabanggit na opisyal at galing umano ito sa isang kasiyahan bago mangyari ang insidente.
Dagdag ni Tacderan, tinitignan pa ng kanilang hanay kung legal ang mga iprenesenta niyang mga papeles ng kanyang mga hawak na baril.
