Ilang distressed OFW’s sa Saudi Arabia makakauwi na ng bansa sa tulong ng Bombo Radyo

DAGUPAN CITY-Makakauwi na ng Pilipinas ang ilang distressed Overseas Filipino Worker (OFW) mula sa Bahay Kalinga sa Riyadh, Saudi Arabia sa tulong Bombo Radyo .

Ito ay makaraang idulog ni Bombo International Correspondent Lawrence Valmonte mula sa nabanggit na bansa sa Philippine Overseas Labor Office (POLO) – Overseas Workers Welfare Administrarion (OWWA) ang kwento at mga hinaing nina Baltazar Severo Cantiller at ng humigit kumulang pang 80 PWDs at senior citizen na distressed OFWs sa Bahay Kalinga .

Naninirahan sa isang kwarto ang humigit 20 OFW’s doon na nagsisiksikan at nagkakahawaan ng sakit.

Kasalukuyan pang inaalam kung ilan pang distressed OFWs doon ang kasabay ni Baltazar na makakauwi ng Pilipinas.