Nanatili pa ring nakataas sa blue alert status ang alerto ng Office of the Civil Defense o OCD Region 1.
Ito mismo ang kinompirma ni OCD Region I spokesperson Mike Sabado sa ekslusibong panayam sa kanya ng Bombo Radyo Dagupan.
Ayon kay Sabado, ang ‘blue alert status’ ay kanila umanong paraan o hakbang upang mapaghandaan ang posibleng epektong dulot ng malakas na lindol na tumama sa ilang bahagi ng Luzon, partikular na sa Pampanga pati na rin ang nangyari sa Samar.
Bukod pa rito, inaatasan na rin umano nila ang ilan sa kanilang mga tauhan na maging alerto at manatiling naka-stand by 24 oras. Lahat din aniya ng attached agency ng OCD ay inabisuhan na magpadala ng kanilang duty officer para sa pag-consolidate ng mga report at koordinasyon.
Nilinaw naman ni Sabado na patuloy ang kanilang koordinasyon sa mga lokal na pamahalaan para sa pagpapadala ng tulong sa mga naapektuhan ng lindol./Int of Bombo Framy Sabado//Zona Libre Program
