Tinmagey so bilang na aray turistan binmisita diad luyag na Pangasinan.
Saya so mismon inbida nen Maria Luisa Elduayan, say Provincial Tourism Officer ng lalawigan.
Onong ed opisyal, diad apatiran probinsya diad rehiyon Uno, say Pangasinan so manunaan ya sangkadakelan na tourist arrivals.
Makapaliket inkuwanto ya diad karakel na nayarin pasyaran, say probinsya so mas pipiliin ya lalaen da.
Diad katuwaan tonya, onong ed kinen Elduayan, taon 2018 nen immabot ed masolok ya 9 million so bilang na aray turista so linma diad Pangasinan.
Manunaan ya papasyaren so sikat tan pamoson Minor Basilica of our Lady of Manaoag diad baley na Manaoag, tinmombok so Hundred Islands National Park diad syudad ng Alaminos, Hilltop Adventure diad baley na Balungao, Sunflower Maze na Tayug, Sky plaza diad Natividad, tan aray beaches tan falls diad Bani tan Bolinao.
Nilira ed saya, impalapag nen Elduayan ya mansasansian baleg ya hamon so abitlan isyu diad amin ya Local Government Unit o LGU’s lapud nakaokolan ya iter daranya so manunaan ya pankaokolan na aray turista.
