Caretaker inatey kasumpalan ya pinaltog na agga kabat ya suspek

Caretaker inatey kasumpalan ya pinaltog na agga kabat ya suspek

DAGUPAN CITY –Inatey so sakey ya 64 anyos ya caretaker kasumpalan ya pinaltog na agga kabat sa suspek diad barangay Maliwara ciudad na San Carlos.

Onong ed saray kanayon na biktima, akalugan diad motorsiklo so duwaran lalaki tan linmeksab may sakey tan inasinggeran so biktiman si Ernesto Bugayong piyan mantepet na direksyon.

Apaleenan na daiset so bigla labat lan pinaltog so biktima.

Limaran kenay bala na kalibre 45 paltog so agamuran na biktima.

Inawit so biktima diad sangka asinggeran ya ospital bangbalet agla inmabot ya mabilay.

Patuloy so imbestigasyon na pulisya piyan nakabatan iray suspek tan say motibo na krimen.