Pananap na saray residente ed say panteon na inatey da, mairap lapud makapal ya pitek tan danum diad kamposanto

Dagupan City– Nairapan ya nan anap so pigaran residente diad ciudad na Dagupan na panteon na inatey da lapud makapal ya pitek tan danum ed saray kamposanto.

Diad eksklusibon impituyaw na Bombo Radyo Dagupan ed kinen SPO4 Froilan Esteban na Dagupan PNP, impalapag ton wala ray nanparenta na bota diad entrance parad saray manlabay ya unloob diad kamposanto ta angga nid natan so agga ni inmikat so delap ya awit nen bagyon Rosita.

Makapal met so pitek diad pigaran parte na sementeryo anggano ni atabunan iya na pigara lan panteon.

Inkuwanton diad arum ya kamposanto nandumaan so entrance tan exit singa diad Roman Catholic Cemetery piyan naiwasan so seksekan tan pantutulakan no man bilang dakel so too.