DAGUPAN CITY– Inatey so sakey ya laki kasumpalan ya pinaltog diad arapan na duwara ton menor de edad ya anak to diad baley na Rosales, Pangasinan.
Kinabat so biktima ya si Michael Yapit, 39 anyos, tubon Brgy. Barraca diad baleya na Villasis.
Diad inisyal ya imbistigasyon, akalugan diad motorsiklo so biktima kaibay duwaran anak ton menor de edad diad karukuyan na Provincial Road na Brgy. Cabalaoangan Sur nen saya so paltogen na saray aga kabat ya suspek ya akasulong na andeket ya jacket tan bullcap.
Tampol met ya tinmakas iray suspek kasumpalan na insidente.
Kaleganan tonya, a-recover diad lugar iray basyo na bala na papanisiaan ya caliber 40 ya paltog.
Akagamor na pigaran kenay bala na paltog so biktima ya makasengeg na inateyan to.
Kaleganan tonya, arecover ed say biktima so sakey ya sling bag ya mankakarga na stainless caliber 45 pistol ya walay 1 magazine, pigara ran bala tan cash ya 3,951 pesos tan cellphone.
Diad kaplesan, patuloy so imbistigasyon na saray pupulis ed agawan insidente.
