DAGUPAN CITY– Inatey so sakey ya Barangay Health Worker o BHW tan say anak to kayarin saksaken diad baley na Infanta, Pangasinan.
Kinabat iray biktima ya sikara di Aida Oiguan, 60 anyos, sakey ya BHW tan anak to ya si Rizaldo Oiguan, 23-anyos, parehon residente na Barangay Nangalisan diad abitlan baley.
Umpapaway diad imbestigasyon na saray otoridad ya say duwara so walad arapan na sakey ya gareta diad barangay nen bigla labat ya sinmabi so suspek ya si Joselito Lumapas, 43-anyos, tricycle driver tan residente met ed abitlan lugar.
Iniyagan tonya si Rizaldo bangbalet agdanya inimano.
Diad saman ya bekta so angalay suspek na sakey ya matarem ya kutsilyo tan sinaksak si Rizaldo ya nalad pagew. Akabatik ni balet inusilan iya na suspek tan sinaksak lamet diad kilikili. muling sinaksak sa may bahagi ng kanyang kili-kili.
Kasumpalan tonya so insublay to so ina na biktima ya sinaksak to met diad pagew.
Inawit diad ospital so san ina bangbalet indeklaran dead on arrival.
Kaleganan tonya, tampol met ya batik so suspek kasumpalan na insidente tan saya natan so aanapen na saray otoridad.
Dati lan kolkolan ed dalin so sakey ya nenengnengen ya anggulo na saray otoridad ed agawan krimen.
