Unaan ya agew na filing na COC na saray untagam ed 2019 midterm elections diad Pangasinan dakel so linma

DAGUPAN CITY– Dakel so linma diad opisina na Commission on Elections (COMELEC) Provincial Office diad ciudad na Dagupan parad filing na Certificate of Candidacy (COC) na satay untagam ed 2019 midterm elections.

No dati manpapaonor iray arum ya pulitiko o ‘waiting game’ diad panag eter na COC da, early bird si Darwina ‘Darna’ Sampang manlalapud baley na Sta. Barbara, ya Chief of Staff nen Pangasinan Vice Gov. Ferdinand Calimlim, ya nansumite na COC parad Board member.

Tinmombok si Alaminos City Mayor Arthur “Art” Celeste ya nansumite na COC parad pagka-gobernador.

Kaleganan ya say agi ton si Arnold Celeste so nansumiti met na COC parad pagka-Kongresista.

Napno na tagasuporta da so compound na COMELEC provincial Office.