Skin Care Center, nilusob na NBI lapud panuusar na peken face lift machine

DAGUPAN CITY– Nilusob na National Bureau of Investigation o NBI so Skin Care Center diad ciudad na Dagupan kasumpalan ya ireklamo ed panuusar na peken Ultra High Frequency Machine ya sakey ya klase na face lift machine.

Akitongtong so sakey ya kumpanya ya mangagawa na saray lehitimon makina diad NBI piyan mangaway inspeksyon diad skin care service provider ya makangawa na saray peken makina.

Akumpiska na NBI so sakey ya peken unit diad parte na barangay Lucao, diad ciudad .

Likod ed ciudad na Dagupan, akakumpiska metla so NBI na saray peken face lift machine diad luyag na Pampanga tan ciudad na Urdaneta.

Say paliwawa na say makangawa na skin care center et biktima labat ira na saray peken supplier.