DAGUPAN CITY-Duwaran Barangay Kagawad diad baley na Malasiqui Pangasinan so inaresto kasumpalan ya narelan na saray pigaran bala tan paltog diad abong to diad ginawan search warrant na saray otoridad.
Kinabat iraya ya sikara di Tito Ferrer, kwarentay otso anyos tan Bobby Aragon, kwarentay kwatro anyos, parehon Barangay Kagawad tan residente na Barangay Lepa ed abitlan baley.
Onong ed PNP, say abong na saray suspek so hinalughog diad bisa na search warrant ya manlapud sala nen Honorable Judge Marvin Jovito Samadan na RTC Branch 70 diad baley na Burgos.
Nala diad abong daray duwara so nanduruman bala tan magazine parad nanduruman paltog.
Lapud saya, inaresto ira na saray otoridad tan inawit ira diad kuwerpoy Malasiqui PNP.
Itatarya la so kason inpansumlang diad Republic Act 10591 kontra ed sikara.
