Top 3 diad Electrical Engineering Exam ya taga Dagupan City, agga makapanisia ed say inpantalonggaring to

DAGUPAN CITY– Agni ni makapanisia so 20 anyos ya Top 3 diad Electrical Engineering Examination ya taga ciudad na Dagupan ed say inpantalonggaring to.

Diad eksklusibon impituyaw na Bombo Radyo Dagupan ed kinen Reymund Meneses taga Dagupan City tan Top 3 ed Electrical Engineering Examination ya angga nid natan agto pakaugipan so liket to kasumpalan na impaway na resulta na iksaminasyon.

Inkuwan ton, nen sikato so ogaw ni hilig tola so mathematica kanyan angala iya na kurson Electrical Engineering.

Akabatan ya likod ed si Meneses kaiba met diad TOP 10 so pigaran estudyante na University of Pangasinan no iner Top 5 si John Kenneth Segundo, Top 6 si Reynaldo Caballero Jr., Top 8 si Bryan Joshua Cabatbat legan ya Top 10 si Ralph Jewel Perez.