DAGUPAN CITY– Nanbuwis na bilay so sakey ya sundalon taga Pangasinan legan ya gagaween tonya so trabaho tan responsibilidad to diad Capas, Tarlac.
Kinabat so inatey ya sundalo ya si Sgt Leo M. Macaraeg na Philippine Airforce, tubon Aguilar, Pangasinan tan kabiangan ed 710th SPOW Skywarrior.
Ingangan so sundalo ya mansupervised bilang security escort diad Community Service Program na saray SUTT students sa nen Agosto 07-20, 2018 diad vicinity na Colonel Ernesto Ravina Air Base, Crow Valley Military Reservation, Capas,Tarlac.
Bangbalet, legan ya pasempet lara tan untatawid diad diad ilog diad karukuyan na Sitio Pelien, si Sgt Macaraeg PAF kaiba so taloran estudyante so aksidenten naplag diaad maksil ya agos na danum.
Diad biek na maksil ya agos na danum, ginaway polaing na sundalon iligtas iray estudyante to bangbalet saya so nalner.
