DAGUPAN CITY– Inekal na National Power Corporation (NAPOCOR) so paga na totoo ed posibilidad ya dam break na San Roque dam diad baley na San Manuel, Pangasinan lapud patuloy ya itatagey na danum diad biek na impangibolos to na danum manlapu ni nen palbangon na Simba piyan naiwasan ya mipara iya ed bansan Lao no iner binmigay so gagaween dan dam ya gawa na SK Engineering & Construction, manlalapud South South Korea ya inateyan na dose dosenan too tan naapektuan so libu libon residente.
Diad eksklusibon impituyaw na Bombo Radyo Dagupan ed kinen Mam Odeth Rivero, spokesman na National Power Corporation (NAPOCOR) kanyan tampol ran nanbolos na danum anggan agni naabot so 290 meters above sea level piyan naiwasan so mas delikadon nayarin nagawa.
Katon patuloy so pangipapaway da na danum lapud tuloy tuloy ni panuuran tan naaruman ni ya manlalapud Ambuklaw tan Binga Dam.
Impasiguro met nen Rivero ya matibay so dam diad delap untan met ed yegyeg ya regular ya imomonitor da tan arum nin ahensya kaibay San Roque Power Corporation.
Likod ed impangibolos na danum , tuloy met ya aka mass run operation so San Roque hydroplant o say pan-generate na atagey ya energy capacity diad maximum level to pian makatulong ed pakabawa na danum diad San Roque dam tan naiwasan so papagaan ya dam break
