DAGUPAN CITY– Inatey so sakey ya utility worker na sakey ya simbaan kasumpalan ya nanbikkel diad baley na Alcala luyag na Pangasinan.
Kinabat so biktima ya si John Lyndon Fructoso, singkuwenta anyos, utility worker na Holy Cross Parish Church na baley na Alcala, tan residente na Barangay San Pedro Ili diad abitlan baley.
Onong ed PNP, sakey ed saray staff na simbaan, ya kinabat ya si Antonio Toledo Jr., trentay singko anyos, so akadeskubre ed say nanbikkel ya biktima diad kulaan mismo na kampana na simbaan.
Tampol iyan kinmerew na tulong ed saray makankanepegan balet inatey la so biktima.
Angusar so biktima na nylon chord ed inpanbikkel to.
Kaleganan tonya, mangagawa la na kaaruman ya imbestigasyon so Alcala PNP piyan nasiguron anggapopy agawan foul play ed abitlan insidente.
