DAGUPAN CITY– Nantibokel la na Special Investigation Task Group (SITG) so Pangasinan Police Provincial Office parad maples ya imbestigasyon nilirad nantotombokan ya insidente na panpapatey ed pigaran local brgy officials diad probinsya.
Diad impituyaw na Bombo Radyo Dagupan diad kinen Police Chief Inspector Ador Tayag, spokesperson na abitlan task group, inkuwanton awalaan ira na SITG Conference no iner indalatdat dia iray kurang na gaween dan pan imbestiga ed amin ya posiblen anggulo na inpanpatey ed saray lokal na opisyal pigaran simba so linmabas kayari na barangay election.
Kabiangan ed saray iimbistigaan da so inpanpatey ed say incoming punong barangay diad baley na Burgos ya si Santiago Abella tan Kapitan Froilan Agbayani na Brgy. Sto. Domingo diad baley na Sual.
Kaleganan tonya, anggaman wala nid follow up investigation irayan kaso, aga eekalen na saray pupulis ya sakey so pulitika ed say makasengeg na na agawan krimen.
