Suspek ya walad beneg na bomb scare diad sakey ya eskuwelaan, kabat la

DAGUPAN CITY– Kabat la na saray otoridad so walad beneg na bomb scare diad Urdaneta City National Highschool.

Diad ginawan inpanimbestiga na eskuwelaan tan saray otoridad, akabatan so toon nangawa na bomb scare.

Ag ni nginaranan na pupulis so suspek bangbalet saya so kinatongtong la na saray pupulis tan saray opisyal na abitlan eskuwelaan.

No nanonotan kahon ya binalkot na electrical tape tan kinargaan na timer so arekober na saray guwardiya tan pupulis diad silong ng lababo ed banyo diad third floor na eskuwelaan.

Kaleganan tonya, kayari na insidente mangagawa natan so PNP Urdaneta na seminar tan orientation on bomb threat management piyan naitarya iray mamaestra tan saray ogogaw no bilang wala so unya ran nagawa.