DAGUPAN CITY– Inatey so duwaran menor de edad kasumpalan ya nalner ed Pantal River diad ciudad na Dagupan.
Kinabat so biktima ya sikara di Lance dela Cruz, siyam taon tan Ramil Decena, onse anyos, parehon manaayam diad Sitio Gibang, Barangay Pantal siyudad na Dagupan.
Umpapaway ed imbestigasyon na saray otoridad ya say duwara so nantagar ya manames diad Pantal River kabansag na maksil ya uran.
--Ads--
Say inap na saray otoridad, agda antay unlangoy so duwawa kanyan aguyor ira na makil ya agos na danum ya sengegan na impakalener da.
Tampol met ya inawit diad ospital so duwaran biktima balet sikara so indeklaran inatey la.
