DAGUPAN CITY– Manunaan lamet so Bombo Radyo Dagupan diad Kantar Media Survey ed amin ya Am Radio Stations diad interon luyag na Pangasinan.
Base ed resulta na Kantar Media survey ya ginawa ed mikaduwan parte na taon 2018, unaabot ed 63.32 percent ya audience share so nala na Bombo Radyo Dagupan DZWN 1125KHZ.
Untotombok so Aksyon Radyo Pangasinan ya walaan na 16.69 audience share percent, mikatlo so Radyo Asenso ya walay 8.51 audience share, kumapat so Super Radyo DZBB Manila ya akala na 8.28 audience share tan mikalima so DZRH Relay ya walay1.17 audience share.
Sayan pasimbalon talonggaring so iiter mi met ya pisasalamat ed amin ya dumerengel na Bomboradyo Dagupan tan ilaluan ya mas lalon parakepen na istasyon so iiter ton serbisyo, balita tan impormasyon ed saray totoo.
Baleg ya salamat ed suporta tan lugay yo.
Basta Radyo Bombo!
