DAGUPAN CITY– Papadisiran ya 400 labat lan miyembro ng New People’s Army so babantayan natan na Armed Forces of the Philippines Northern Luzon Command o AFP NoLCom.
Diad eksklusibon impituyaw na Bombo Radyo Dagupan ed kinen Lt. Col. Isagani Nato, Spokesperson na AFP Northern Luzon Command, inkuwanton diad latest periodic status report papadisiran ya wala labat ed masolok ya 400 so tututukan dan rebelden grupo diad Northern Luzon.
Onong ed kinen Nato, “cleared” la so probinsya na Pangasinan manlapud saray komunistang grupo tan akagetar ya ideklara bilang insurgency free province.
Inkuanton, no walay intensyon bilang na saray rebelden grupo ya unsuko so walay army units ya walad saray isolated areas na saray munisipyo ya nayarin singgeran da piyan sikaray natolongan ya naipakabat ed organisasyon ya makakasakop ed proseso na enhance comprehensive local integration program na gobyerno.
