DAGUPAN CITY– Inatey so apatiran kataon iinapen ya drug pushers kasumpalan ya linmaban ira ed saray pupulis diad ginawan operasyon kontra illegal ya droga diad nanduduruman lugar diad luyag na Bulacan.
Plimiron agawa so engkuwentro diad barangay Barangay Santol baley na Balagtas no iner inatey so suspek ya kinabat ya si alyas Lito Onse.
Akatakas balet so kaiba tonya ya akalugan ed motorsiklo.
Awalaan met na engkuwentro diad Barangay Pinagkuartelan diad baley na Pandi.
Inatey si Allan Dexter Dela Cruz ya dati lan sinmuko ed saray awtoridad.
Akatakas balet so duwaran kaiba ton akalugan na motorsiklo.
Diad Barangay Paco, Obando, inatey so sakey ya alyas Ali ya ibabagan drug pusher kaleganan ya akatakas met so kaiba to.
Nansumpal met diad engkuwentro so buy-bust diad Barangay Cutcot ed baley na Pulilan ya inateyan na sakey ya drug pusher.
Onong ed pulisya, nansumpal so operasyon diad engkuwentro kasumapalan ya linmaban tan nanpaputok iray suspek.
Pareho met ya kalibre .38 ya paltog so inusar daranya.
