DAGUPAN CITY– Inatey so sakey ya datin barangay kapitan tan analon barangay kagawad legan ya sugatan so kaiba ton barangay kagawad kasumpalan iran paltogen diad baley na Malasique, Pangasinan.
Kinabat nen PCI Dennis Balitoc , Deputy Chief of Police na Malasique PNP so biktima ya si Brgy Kagawad Jimmy De Luna, 51 anyos tan residente na Brgy Binalay.
Kinabat met so asugatan ya si Brgy Kagawad Ervin Chiong.
Onong ed imbestigasyon, kakasumpal labat lan nanmiting so biktima kaibay kapara ton analon barangay kagawad nen walay dinmalan ya motorsiklo ya walay lugan ton duwaran lalaki.
Apaleenan na pigaran minuto so biglan pinmawil so luluganan tan linmeksab so backrider tan sikato so pinapaltog.
Nakna iya ed nanduruman parte na laman to ya sengegan na inateyan ton tampol legan ya apaltog diad bikking si Chiong tan tampol met ya inbatik diad patambalan.
Akabatan ya si De luna so nansirbin barangay kapitan diad lugar da manlapud 1994-2001.
Nandisisyon iyan binmatik para ed barangay kagawad diad apalabas ya eleksyon tan saya so analo.
