DAGUPAN CITY– Kasumpalan ya nipalapag ya masolok ya pituran libon manok so inatey diad sakey ya manukan diad luyag na Pangasinan lapud heatstroke, malet natan so panpapanonot na saray otoridad nilira ed saray karnen ilalako diad tindaan.
Posible kasin double dead o botchan karne so ilalako ed saray tindaan.
Onong ed saray makankanepegan, aga ligtas ya kanen iray karne na manok ya inatey ed heat stroke lapud agga pinmaway so dala da.
--Ads--
Likod ed masekder la, andeket so baog tan itsura.
Say payo na saray otoridad ed publiko, nengnengen ya maong so sasaliwen ya karne aliwa labat say manok pati karne na baboy tan baka.
