DAGUPAN CITY – Maniilalo so Pangasinan Tourism Office diad panangidaulo nen Ms. Malou Elduayan ya minabang so Hundred Islands diad Pangasinan lapud pansara na Boracay Island.
Onong ed kinen Elduayan, based listaan da, 700,000 ya turista so binmisita diad probinsya tan walay 8.3 Million Visits ya nikurit diad Nature Destination na Pangsinan.
Inkuwanton, base iya ed istatistika na saray baley ya walaan na listaan daray unsasabin bisita.
Onong ed kinen Elduayan, wala ni nikurit dan cruise visit ya unla komon diad Boracay Island bangbalet akakar diad Hundred Islands lapud balitan pansara na isla.
Onong nid si Elduayan, mairap nin sansian ikumpara diad Boracay Island so pakayari na panturismo na Pangasinan bangbalet impaliwawa dad saray bisitan unsasabi diad luyag ya sananey met so nayarin iyopresi na probinsya.
Imbaga tonin dakel so hamon ya nepeg ya tugunan na probinsya singa say ikiwala na saray high end hotels tan restaurant untan met saray aktibidad ya singa say gagawaen diad Boracay Island.
