DAGUPAN CITY- Antes ni agew na eleksyon diad Mayo 14, sigurado la so panalo na samploran opisyales ya untagam bilang Brgy. Captain diad baley na Sto. Tomas, Pangasinan.
Saya et kasumpalan ya adiskobre ya ‘unopposed’ o anggapoy kalaban diad lugar da ya untagam parad Brgy tan SK election.
Diad ekslusibon impituyaw na Bombo Radyo Dagupan ed kinen Mam Zenaida Diaz , Election Officer ed abitlan baley , inkuwanton say samploran barangay ya ‘unopposed’ et say Poblacion East, Poblacion West, Salvacion, San Agustin, San Antonio, San Jose, San Marcos Sto. Niño, La Luna tan San Sto. Domingo.
Onong ed si Diaz, aliwa labat lan saray kakandidato para ed barangay chairman so unopposed’ o anggapoy kalaban untan met saray brgy. kagawad tan SK o Sangguniang kabataan.
