DAGUPAN CITY– Inatey so sakey ya doktor ya taga Binalonan, Pangasinan kasumpalan ya ibabagan aturukan na kontrobersyal ya dengue vaccine ya dengvaxia.
Kinabat so inatey ya si Dr. Kendrick Gotoc, doktor ed sakey ya Rural Health Unit diad Quezon city tan tubon Binalonan, Pangasinan .
Akabatan ya kinumpleto na biktima so 3 shots na dengvaxia tan aga met tampol ya inmamin so biktima ya sikatoy aturukan na dengvaxia.
Irerequire kono ira na DOH ya manpainject na dengvaxia.
Naimano labat la na ina na biktima ya walay angumanan na laman na anak to tan wala iray pantal to nen sampot ya sinmempet diad Pangasinan .
Aminado met so DOH ya walay side effects no bilang naturukan na dengvaxia.
Kaleganan tonya, anggapo met ni komento na Provincial Health Office lapud anggapo ni nanaawat dan reklamo manlapud pamilya na say biktima.
