DAGUPAN CITY– Inatey so sakey ya construction worker kasumpalan ya nalner diad baley na Dasol, Pangasinan.
Kinabat so biktima ya si William Dait, 34-anyos, residente na North Fairview, Quezon City.
Diad say imbestigasyon na saray toridad, say biktima so nalner diad ilog ya nasasakupan na Barangay Tambobong diad baley na Dasol.
Say istorya na saray kakaiba to, antes ya nalner so biktima, manrereklamo iyan nanaelew tan unkekelat so bikking to.
Inyarum ni na say ka live-in tonya ya nayarin inatake na hypertension so biktima legan ya manaames.
Kasumpalan na pigaran oras ya panaanap ed say biktima, anengneng so laman ton manleletaw diad danum diad kaarawin sanlasus metro manlapud lugar ya sampot ya akanengnengan diad sikato.
Medyo asibok lay ulo to tan wala lay dalan umpapaway diad say mata to.
Inawit so biktima diad ospital bangbalet indeklaran dead on arrival na saray doktor.
