DAGUPAN CITY– Maswerten akaligtas diad ngalngalin pakalener so sakey ya bisita manlapud Bulacan tan duwaran arum nira diad Hundred Islands National Park diad ciudad na Alaminos.
Kinabat so biktima ya si Mark Joseph Gragasin, bente sais anyos, residente na Barangay Guiguinto diad Bulacan, legan ya agla akabatan so duwaran kaiba tonya.
Onong ed saray otoridad, say talora so anengneng ya manleletaw ya akasulong na life vest diad dayat ya nasasakupan na Sungyut Island na Hundred Islands National Park.
--Ads--
Maong labat ta walay passenger boat ya dinmalan diad lugar tan tinmulong ed saraya.
Anggaman naandian na malay, tampol ya akarekober si Gragasin.
Agmet la nanpayakar diad patambalan.
