DAGUPAN CITY – Inatey so sakey ya too legan ya kritikal so kaiba tonya ya parehon papanisiaan ya holdaper kasumpalan ya aka-engkwentro iray pupulis diad baley na Lingayen, Pangasinan.
Diad eksklusibon impituyaw na Bombo Radyo Dagupan ed kinen PSupt. Fidel Junio, hepe na Lingayen PNP, inkuwanton tinmawag ed istasyon da so hepe na Labrador Police Station ya walay duwaran lalakin akalugan na motorsiklo ya tinmakas tan inmiwas diad checkpoint ed baley da.
Lapud saya, nangawan tampol met iray pupulis na pasimbalon check point diad Brgy. Quibaol ya dalanen da bangbalet imbatikan da lamet so abitlan checkpoint kanyan inusilan ira na saray kapulisan.
Linmaban iray suspek ya sengegan na inateyan na sakey ed sikara legan ya kritikal so kipapasen na sakey .
Diad kaplesan, tuloy so imbestigasyon na saray otoridad piyan naaantaan so ngaran na saray suspek.
