DAGUPAN CITY– Agla naulit ya nagawa so agawan gulo diad Marawi city.
Saya so impasiguro na saray Muslim leaders diad luyag na Pangasinan.
Diad impituyaw na Bombo Radyo Dagupan ed kinen Mangontawar Millan Sultan, Secretary General na Pangasinan Integrated Muslim Assembly, siguruen dan bilang lider na say komunidad da, agla nagawa so agawan gulo tan trahedya diad Marawi ya inateyan na lasus ya sibilyan.
Inkuwanton kaiba ray kapara dan Muslim, doblein day panbantay da tan siguruen dan anggapo so nagawan pantaktakot na aray terorista aliwa labat lan diad probinsya no ingen diad interon rehiyon uno.
Inyarum to nin, nagmaliw ya aral la so agawa diad Islamic City of Marawi piyan mas lalon manbantay ira ed kaliber liber.
Kaleganan tonya, pinayuan toray publiko ya idalem ed saray awtoridad no walay anta da piyan nabaat antes ya makapan-gulo iray terorista .
