Mister, inatey kasumpalan ya pinaltog diad arap na abong to

DAGUPAN CITY- Tampol ya inatey so sakey ya laki kasumpalan ya pinapaltog diad paway na abong to diad Barangay Malhacan, Meycauayan, Bulacan .

Kinabat so biktima ya si Luisito Palaganas, 55-anyos.

Onong ed impormasyon nalan impormasyon na Bomboradyo Dagupan , walad paway na abong da so biktima tan mitotongtong ed sakey ya laki.

Nen unloob lamet so biktima agto la nalukasan so gate na compound.

Nen pawilen toy katongtong to, sikato laman ya saya so pinapaltog.

Apaltog diad beneg so biktima.

Nala na CCTV ya akapeket asingger ed akagawaan na kremin so insedente.

Akabatan ya duway taon labat nin akapaway diad kolongan so biktima lapud illegal ya droga.