DAGUPAN CITY– Agla inmabot ya mabilay diad patambalan so sakey ya dayon barangay tanod kasumpalan ya nalner diad parte na Lingayen Beach ed Brgy Maniboc, Lingayen.
Kinabat so inatey ya biktima ya si Rogelio Trinidad Jr, 31 anyos tan residente na Caloocan City.
Onong ed imbestigasyon, kaiba na biktima iray kakaaro to ya linmad abitlan lugar piyan man outing.
Kasabi dad lugar so tampol ya linmusong diad beach so biktima bangbalet kasumpalan na pigaran minuto saya so inanor na maksil ya agos na danum.
Anengneng ni eya tan ginetman isalba na sakey ya Michael Palisoc, 33 anyos tan residente na abitlan lugar.
Nibatik ni eya diad patambalan bangbalet saya so indeklaran dead on arrival na say attending physician to.
Akabatan ya agga nanpatanir so biktima diad pamilya to ya sikato so mila diad abitlan outing.
