DAGUPAN CITY – Nilenew na Office of the Civil defense (OCD) Region 1 ya taloran managsigay labat so nababalang diad Agno, Pangasinan.
Saya so impalapag diad Bombo Radyo Dagupan nen Mike Sabado, spokesperson na OCD Region 1, taliwas ed immunan linmabas ya balita ya samploran sumisigay manlapud baley na Agno so nababalang kasumpalan ya linma rad dayat anggano walay gale warning.
Inkuwanton, talora labat so abalang no iner sakey ed saraya so nalmo la tan akapawil la diad pamilya to nen Pebrero Uno, legan ya aanapen ni may duwara.
Inamin nen Sabado, ya agga tampol nipasabi so insidente na inpakabalang da sa ni nen Enero 31 , tan akabatan labat la sa nen Pebrero 7 nen unkerew so Provincial Disaster Risk Reduction and Management Office o PDRRMO Pangasinan, na saray bangka na Philippine Navy tan Philippine Coast Guard parad augmentation pyan anapen iray nababalang ya managsigay.
