DAGUPAN CITY– Kinompirma nen Engr. Rosendo So, say manangidaulo na Samahang Industriya ng Agrikultura o SINAG ya pigaran dumaralos manlalapud nanduruman baley diad luyag na Pangasinan so apektado na rice black bug.
Onong ed kinen So, patuloy ya mandederal so abitlan peste ed pigaran baley onong metla ed say ginawa dan monitoring.
Inkuwanton aliwan kapara na samay imbeneg, anggapo ni “infestation” na sayan peste diad probinsya na Pangasinan bangbalet aneng neng eraya diad say kaumaan na baley na San Manuel, Asingan, Binalonan tan Villasis.
--Ads--
Saray abitlan baley so ipapasen ya ‘most affected”na asalitan black bug.
Impalapag nen So ya linmeksab so ani daray dumaralos diad abitla iran baley makasengeg ed sayan inkagawa.
