DAGUPAN CITY– Kabansag na say impangipawil ed kontrobersiyal ya “Oplan Tokhang” na Philippine National Police o PNP, angiter na panonot so PNP ed publiko na ciudad na alaminos ya aga nepeg ya nataktakot .
Impalapag nen PSupt. Benjamin Ariola, hepe na Alaminos city Pnp na ag nepeg ya nataktakot so publiko ed Oplan Tokhang lapod say getma tonya et mitongtong so kapulisan ed saray abitlan manguusar na iligal na droga tan aliwan mamatey.
Anggaman say sayangeseng nen saman et nalalanor so saray inosenten totoo ed operasyon na PNP ed Oplan tokhang, bangbalet ipapasiguro na PNP natan ya gaween dan malinis tan mauksoy so trabaho da tan agdala iyabuloy eyan umpalya.
Kaleganan tonya, impalapag nen Ariola ya say unaan ya agew na operasyon ed impawil na oplan tokhang ed sakop dan ciudad, sakey ya indibidwal so boluntaryon simmuko ed kapulisan legan ya apat taplu tan limara (45) ni so kaplesan ya babantayan dan ya .
