DAGUPAN– Todo alerto natan so presidential security group kasumpalan na intelligence report ya naawat na Indian authorities ya walay pasakbay na ISIS group ed say seguridad nen president Rodrigo Duterte.
Saya so nagmaliw ya palapag nen National Security Adviser Hermogenes Esperon kayari na impituyaw ed sikato na Bombo Radyo Dagupan.
Impalapag nen Esperon ya agla pankelawan iyan abitlan balita ta manisia iyan say manpasakbay o mantaktakot labat so antan gawaen na asalitan teroristan grupo.
Inkuwantonya ya agmet makapangaway biglaan ya pan-atake iraya ta kulang nira na pwersa anggano tuloy tuloy so gagaween dan panrerecruit na say balon membro.
Manisia iyan say gangan nen presidente Duterte ya uputen iraya so makasengen na panpupuntirya dad sikato na saray bandidong grupo.
Impasiguro nen Esperon so seguridad na presidente lapud akaalerto so amin ya Security forces lautla say Presidential Security Group o PSG piyan manbantay diad sikato.
