Laki kritikal kasumpalan ya atapilan na troso

DAGUPAN CITY- Kritikal so sakey ya laki kasumpalan ya atapilan na troso diad barangay Palestina, San Jose City, Nueva Ecija.

Bandad ala-4 niman na ngarem, paloob diad gate si Roger Manuel, 56 anyos residente diad abitlan lugar nen aksidenten sin miyan so karitelya ya napnoy pinuter ya kiew diad say manguguyor ya ownertype jeep ya imamaneho PO3 Ronald Baldonasa police diad San Jose police station.

Agmet la akaliktar so biktima, sikatoy atapilan tan apildit na troso.

Tampol ya imbatik diad ospital so biktima tan wala natan ed kritikal ya kipapasen.