Sakey ya 70 anyos ya laki, sinaksak makasengeg ed tong

DAGUPAN CITY– Inatey so sakey ya 70-anyos ya laki kasumpalan ya sinaksak na say akakolkol tonya ed sakey ya sugalan diad Brgy. Pao, Manaoag, Pangasinan.

Kinabat so biktima ya si Herardo Cristobal legan ya say suspek so kinabat ya si Mark Louie Miran, 23-anyos.

Awalaan na kolkolan so duwara makalanor labat ed tong no iner pasempet la so biktima balet tinombok iya na suspek tan sinaksak ya amiduwa diad eges to.

Inbatik nid ospital so biktima bangbalet agla inmabot ya mabilay legan ya naaresto so suspek diad ginawan follow-up operation na saray pulis.