DAGUPAN CITY– Inatey so sakey ya 8 anyos ya laki legan ya akasalba so kapinsan ton 6 anyos kasumpalan ya nalner diad fishpond ed baley na Malasique, Pangasinan.
Kinabat so inatey ya biktima ya si Adrian Justin Poquiz , legan ya samay akasalba so kinabat ya si Andrei Dela Cuadra.
Akapantagaran so duwaran sankapinsan ya manames diad fishpond ya agga anta na saray atateng na biktima ta abala ira diad lamay na bae da.
--Ads--
Anengneng labat la so sankapinsan ya nalelener tan tampol met ya imbaga da ed say pangamaen dan man ngaran na Jonathan ya tampol met ya linmad abitlan lugar piyan iligtas so duwara.
Naibatik niray biktima diad patambalan bangbalet indeklaran dead on arrival si Poquiz kaleganan ya narevive si Cuadra.
